Wednesday, March 26

شوارع... شوارع... شوارع



مش عارفة اذا كنت وصلت لمرحلة تبلد لدرجة ان لا شيئ يثيرني كي ادون او اني صرت حساسة لابسط الاشياء و كل ما اشوف شي اقول لازم ادون عنه ف اجي على اخر اليوم ب 77 فكرة واقول لا شيئ يعجبني وابطّل العب

المهم، مؤخراً في شي غريب بيحصل معي، هو مش شي جديد لكن تواتر حصوله ازداد مؤخراً وبدأت انتبه له
انا بشوف شوارع صنعاء مش في صور ولا في فيديوهات وإنما في راسي
الامر يحدث ك التالي، اغمض عيني للحظة واشوف بشكل لا إرادي مشهد لشارع في صنعاء، شارع كنت فيه في وقتٍ ما



الغريب اني ما اشوفش شوارع احبها في برلين او في مدن حلوة زرتها ولا حتى لأي شارع في حدّة -الى الأن

الاغرب اني كمان مش مشتاقة لصنعاء ومنظر شوارعها وهي تجيلي كذا فجأة مش مساعد

الان انا حابة اني اعمل توثيق (يُحدّث على حسب مزاجي)للشوارع الي اشوفها ويمكن اطلع بإستناج

 26.03.14

شارع صخر/الكمبيوتر/مقديشو

انا واقفة اخر الشارع جايبة ظهري لشارع حدّة والجامع على يميني وبشوف زحمة السيارات في وسط الشارع الي مدري ليش تخف في اخره والاضواء تخف عشان مافيش لافتات محلات تضويه في اخر الشارع


قبل كم من يوم

شارع الرقّاص

واقفة تقريبا مقابل مستشفى مدري مستوصف المدينة مدري المنار الي في اخر الرقَاص و بشوف الزحمة حق التقاطع مع شارع هايل ومحل الملابس الي صاحبه بانيه على قطعة ارض ماتجيش اكثر من 40 متر مربع ورافع البناية دورين والملابس البشعة الي ف المحل 

No comments:

Post a Comment